recent
أخبار ساخنة

«عايزك تهدي اللعب شوية».. محادثة جديدة بين «اللواء فاروق» و«ميرفت» في تسريب عبدالله الشريف (فيديو)

 

بثت قناة «إكسترا نيوز» محادثات صوتية جديدة لشبكة النصب المتعاونة مع الإخواني الهارب عبدالله الشريف، تفضح زيف ما يدعون من تسريبات مفبركة؛ بهدف تشويه مؤسسات الدولة، والتي جاءت اطرافها اللواء فاروق القاضي المستشار المزيف لرئاسة الجمهورية والذي تبين انه يدعي حنفي الرازق ،والذي تبين انه «نصاب» ومطلوب على ذمة 22 قضية نصب وقتل خطأ والتنقيب عن الاثار، وميرفت محمد على مستشار مزيفة واخر سمسار يدعي وائل .

 

وجاء نص التسريب كالتالي :

- اللواء فاروق: إنتي طلعتي تربية سكاشن ومحاضرات.

- ميرفت: بتقول إيه يافندم.. مش فاهمة.

- اللواء فاروق: إنتي دخلتي على الحلقة المذاعة وشفتي دخل على مين وخرب في مين، والتعليقات على المكالمة كانت إزاي.

- ميرفت: أنا مشفتش كل الحلقة أنا شفت جزء من الكلام معجبنيش، مكملتش الحلقة ولا حللت ولا شفت الكومنتات اللي في حلقة.. دي كل الحكاية.

جانب من تسريبات الاخواني عبد الله الشريف

- اللواء فاروق: أنا أول ما وصلني الفاكس قولت أعرفك إنك تكلمني على الواتس مش تليفون على ما تهدي الأمر وعايزك تهدي اللعب شوية.

- ميرفت: أنا أساسا والله العظيم أنا مش بشتغل في أي حاجة غير شغلي بتاع مكتبي، وفعلا موضوع المقاولات ده أنا اشتغلت فيه فترة لقيته كله كذب ومش مظبوط شيلت إيدي منه .. لقيت الوضع مش كويس .

- اللواء فاروق: لا الموضوع اللي أنا كنت داخل فيه بتاع الكام مشروع بتاع المقاولات وفيه ناس كانت جايبة ورق مزور من الشركات مندورش على الحاجات ليه بتدور على الناس اللي بتفضفض بكلمتين .

جانب من تسريبات الاخواني عبد الله الشريف
جانب من تسريبات الاخواني عبد الله الشريف

- ميرفت: طب أنت مغير اسمك.. كنت محمود وبقيت فاروق القاضي طب قولي أغير اسمي.

- اللواء فاروق: ياماما الشغل ده.. طب أقولك على حاجة لما بتكتبي بياناتك على الفيس لازم تكتبي بيانات الحقيقة أو البيانات كاملة.. ياماما بيقولك قبل ما تحاذر حاسب .. يعني مثلاً واحد بيقولك أنا فلان الفلاني وعيلتي فلانة.. هو خد مانشيت بالكلام واشتغل عليه.. إنتي ماخدتيش بالك إنه أخد الكلام وجمعه اللي احنا قولناه في المكالمة.

- ميرفت: الكلام بيقول إيه؟

اللواء فاروق: يا ماما هو عاد المكالمة كلها واخد ولو فيه مكالمات تانية، هلم كل اللي في الشارع واتحبس معاهم.. لو عنده حاجة غير المكالمة بتاعتنا كان بتوع النحاس اللي ضربونا الضربة دي اللي هما «حازم وعصام والدكتور حنا والدكتور بطرس والدكتور زعبلة» طب مايروح يجيب الراجل إلى يجيب ناس إلى بتقعد على القهاوي ويقول أنا مستشار حاكم عسكري ورئيس الجمهورية نزلي طائرة ودبابة ..لكن ميعرفش.

ـميرفت: ده اللي هو حسين الجبالي.

ـ اللواء فاروق: مش قاعد هو يكلم نفسه بالخمر.. أنتي ربنا يحميكي.

- ميرفت: يالا ربنا موجود.

- اللواء فاروق: يالا نامي بقي.. المهم ما بشتغلش في حاجة إلا العقود.. يعني ممكن حد يجيلك يقولك اكتبلي «عقد عرفي».

ـ ميرفت: ماهي دي الحقيقة أنا مش بشتغل إلا في العقود ولا بتعامل في الهيئة ولا ليا علاقة بحد هناك .

ـ اللواء فاروق: طب ممكن أسالك سؤال أنا بتعامل مع بتوع الهيئة .

ـ ميرفت: لا أنا شايفاك بتكلم ناس والناس دي اللي بتتعامل وتروح.

ـاللواء فاروق: أنا بكلم واحد زي زيه بيجيب لي الملفات وأنا أروح أوديها ولسه مكتبناش ولا عقد.

ـ ميرفت: أنت لسه مكلمني من أسبوع مكتبناش ولا عقد.. أحنا لحقنا وأنا بس كتبت العقد .

-اللواء فاروق: خليه يتكلم عن اللواء فاروق القاضي خليها تطبل على دماغ أمه.

-ميرفت: هو فيه أصلاً حد اسمه اللواء فاروق القاضي ..لكن فيه ميرفت محمد على.

ـ اللواء فاروق: بلاش تقوليه دي نصيحة لوجه الله.

ويأتي هذا انطلاقاً مـن جهـود وزارة الداخلية في حماية البلاد من المخططات الإجرامية التي تضطلع الكيانات المعادية خاصة تنظيم الإخوان الإرهابي بالترويج لها والتي تستهدف المساس بأمن الوطن والنيل من مقدراته.. وذلك من خلال ترويج الشائعات والأخبار المغلوطة بهدف إثارة البلبلة في أوساط المواطنين، وتشويه صورة مؤسسات الدولة أمام الرأي العام، وفي ضوء ما رصدته المتابعة مؤخراً من قيام المنابر الإعلامية التابعة للتنظيم بالترويج لمحادثة هاتفية بين شخص يدعى أنه اللواء فاروق القاضي، مع سيدة تدعى ميرفت محمد ادعت أنها مستشارة برئاسة الجمهورية، واتفاقهما على قيام المذكور من خلال علاقاته المتشعبة بالعديد من المسئولين بالدولة بتسهيل حصولها وبعض المرتبطين بها على عقود لتنفيذ عدد من المشروعات الكبرى التي تقوم الدولة بإنشائها في مختلف المجالات، وذلك بغرض تحقيق ربح مادي للمذكورة.

 

google-playkhamsatmostaqltradent