بعد حالة الهجوم الموجهه للسباحة المصرية فريدة عثمان ، بعد نشرها لصورتها بزي السباحة "المايوه" وهى تطالب الجماهير بالدعاء لها فى المسابقات القادمة .
وعلق الإعلامي عمرو أديب مستنكراً على ذلك قائلاً : «عاوزين من الناس إيه؟ هي سباحة ولبسها هو المايوه وشغلتها تلبس مايوه ، خليكم فى حالكم وسيبوا الناس في حالها».
وأضاف قائلاً «إيه النبرة الأندر جراوند اللي بتتكلموا بيها؟ متقدرش تعوم بجلابية مينفعش طبعا ، دعوا الخلق للخالق وربنا هو هيحاسبها مش البشر »، ووصف تلك التعليقات بأنها «شيء غريب وعجيب».
وقال إن الله وحده هو من يحدد الحلال والحرام وليس البشر، واختتم كلامة قائلاً «في موجة كدة أنا شاممها وعارفها كويس ، وأنا مش شغلتي أحلل وأحرم دي شغلة رب الكون اللي يحاسب العباد ، ف إهدوا كده وسيبوا الناس في حالها.. أنا شايفكم وعارفكم».
جدير بالذكر أن السباحة فريدة عثمان لم تنجح في التأهل إلى نصف نهائي 100 متر فراشة، بفارق61 جزء من الثانية عن صاحبة المركز 16، حيث أنهت السباق في المركز 19 والتأهل لأول 16 لاعبة فقط.