recent
أخبار ساخنة

قصيدة #إحنـــــــــا - للشاعرة ناديه محرم الجميعى


#إحنا مفيش على أرضنا كائن ممرش فى الحياة بمحنة ف كل عتاب مابين اتنين بنسمع (إنت) مش (إحنا) صوابع لتهام بتشير نِحِن قليل ونقسى كتير ونِنسب فى العيوب للغير بدال عدينا وسامحنا

 مقصرتش ، مقصرتيش وتكتشفوا العيوب دالوقت وده يقول السبب إنتى وهى تقول ياريت مابدأت ولا جينا ولا رُحنا وينكر كل واحد شئ وينشب فى العلاقة حريق

  وأول ما السكك بتضيق نقول الحب جٓرّٓحنا نروح لغريب ونحكيله يزيد الطين كمان بٓله ويبدأ يرمى منديله وبسم الحُب يتسلى وبسم البعد ينصحنا

  تروح لغريب يطبطبلك مترجعش لفلان جارح فلان كان عنده من قبلك وقاله يسيبك امبارح وبسم الطبطبة فرِحنا مسكنا لبعض ع الواحدة وشمتنا الغريب فينا ضعفنا انا وانت م الوِحدة

  دفعنا تمنها وحدينا وماتت فينا أرواحنا نصيحة متلجأوش لغريب تطبطب إيدُه ع الجتة وأى عتاب مابين اتنين نلوم على (إحنا) مش (إنت) مفيش على ارضنا كائن ممرش ف الحياة بشدة #نودى_محرم

google-playkhamsatmostaqltradent