في الولايات المتحدة الامريكية في أثناء مشاهدته لمباراة كرة قدم يشارك فيها محمد صلاح






كشف الفنان أحمد السعدني عن تلقيه عرضًا غريبًا في الولايات المتحدة الامريكية في أثناء مشاهدته لمباراة كرة قدم يشارك فيها محمد صلاح، وذلك خلال لقائه مع الفنان أمير كرارة في برنامج "سهرانين" المذاع عبر فضائية "ON E".
وقال السعدني: "أنا كنت بتفرج على ماتش ليفربول ومانشيتر سيتي ودخلت كافيه وكنت بنفعل مع صلاح في كل هجمة، ولقيت واحد جاي بيكلمني بالإنجليزي وبيقولي أنت مصري؟ قولت له هو باين علينا إننا مصريين، قالي باين من حماسك قولت له ممكن أكون إنجليزي، قالي شكلك مش إنجليزي".


وأوضح السعدني، أنه تلقى عرض عمل في الميديا: "قالي مش عايز تشتغل في الميديا وكدة، قولت له مش عايز إزاي، ده أنا الميديا وأنت متعرفنيش وأنا فاكرك تعرفني وأنا ممثل مصري".
وتابع: "قالي أنا بدور على شباب من العالم كله قولت له هيعملوا إيه، قالي حاجة زي ريالتي شو"، مستعينًا في وصف عقد العمل الذي عرض عليه بالجملة التي ذكرها الفنان عادل إمام في فيلم "عنتر شايل سيفه": "الساعة بـ5 جنيه والحسابة بتحسب".


Share To:

Post A Comment:

0 comments so far,add yours

ملحوظة: يمكن لأعضاء المدونة فقط إرسال تعليق.