كلنا عارفين مسلسل الجماعة بأجزائة الأول والتاني للكاتب وحيد حامد
لكن اللي متابع الجزء التاني من المسلسل اخراج شريف البنداري هيلاقي سقطة كبيرة للسناريو
وده لما أخطأ الكاتب وحيد حامد في مسألة فقهيه دينيه
الموضوع بدأ من حوار قام بيه الفنان عبد العزيز مخيون واللي كان بيقوم بدور مرشد جماعة الاخوان الثاني المستشار حسن الهضيبي
واثناء الكلام مع بناته عن الحجاب وفرضيته ردت عليه بنته انه مش فرض وفي صحابيات كتير في عهد الرسول صلي الله عليه وسلم مكانوش محجبات ولكن السقطة الاكبر كانت لما قالت ان حتي النساء بيطوفوا حول الكعبة من غير غطاء للرأس ولعل الكاتب اختلط عليه الأمر لان فعلا في فقه الدين الاسلامي ان المرأه تخلع النقاب اثناء الحج والعمره وليس ان تخلع غطاء الرأس بالكامل وذلك لقول النبي صلي الله عليه وسلم " لا تنتقب المرأة المحرمة " صدق رسول الله صلي الله عليه وسلم