وتابع: "أنا عملت هدنة عشان حفيدك وحفيدي، لكن إنت اللي عايز تولع الدنيا"






رد رئيس نادي الزمالك، على تصريحات نظيره في الأهلي محمود الخطيب خلال الاحتفالية التي أقيمت لتسليم النادي الأهلي، درع الدوري الـ41 في تاريخه.
وكان "الخطيب"قد قال في كلمته أثناء حفل تسليم درع الدوري: "الرياضة منافسة شريفة، ولكنني لاحظت خلال آخر عامين أن البعض يحاول إفشال الأهلي بكل الطرق بشكل أكبر من تطوير انفسهم".



وأضاف: "تعرضنا للإساءات والتجاوزات، لكننا لن نتدنى بمستوانا، وسنقاتل للحفاظ على حقوقنا ضد أي إساءة تعرضنا لها وأطالب بتفعيل اللوائح باتحاد الكرة واللجنة الأولمبية".


وعلق رئيس الزمالك على تصريحات الخطيب في مداخلة هاتفية لبرنامج "الزمالك اليوم" قائلًا: "انت يا خطيب مش هتتدنى لمستوايا أنا؟ دي القيامة قربت تقوم ولا إيه".
وأضاف رئيس القلعة البيضاء: "أنا مش هرد عليك عشان انت عايز تولع بين الجمهورين يا خطيب، أنا بس بخلي جماهير الأهلي والزمالك تشوف بنفسها مين بيمد إيده بالسلام ومين عايز يولعها".

رئيس الزمالك للخطيب: لو راجل إعمل بلاغ ضد تركي آل شيخ

وتابع: "أنا عملت هدنة عشان حفيدك وحفيدي، ومديت إيدي بالسلام، وخدت عهد على نفسي مش هاجي ناحيتك تاني، لكن إنت اللي عايز تولع الدنيا أهو".
وأضاف: "لكني مش هسمح إنك تضحك على جماهيرك، إنت قولت إنك مش هتسيب حقك من أي حد غلط فيك، خلاص لو إنت راجل إعمل بلاغ ضد تركي آل الشيخ اللي شتمكوا وقال عليكوا عصابة".
واختتم حديثه: "أنا بشكرك ياعم ومش هاجي ناحيتك خلاص، وبشكرك على اللي قولته في حقي بعد ما مديت إيدي بالسلام".
Share To:

Post A Comment:

0 comments so far,add yours