عادل امام يداعب تامر

كتب: مصطفى حمزة

كشف الفنان تامرحسنى،  أن الفنان عادل امام  تنبأ له بالنجاح والوصول لآحلامه، خلال  أوّل لقاء جمع بينهما ،مؤكدًا أنه قام بتشجيعه وقال له بالنص “افتكر كلامى كويس يا تامر .. أنا بحبك”.

ونشر “تامر”، عبر صفحته بموقع “انستجرام “، صورة تجمعه بالزعيم، وكتب تفاصيل اللقاء قائلاً: “إني أضحك الزعيم بالشكل ده يبقى أنا مش سهل ولا مواخذة.. حبيبي يا زعيم يارب دايمًا فرحان كده مفيش أي سبب لنزول الصورة غير اني شفتها بالصدفه وإفتكرت يوم ما شوفت الأستاذ عادل وأنا لسه في أول طريقي وطبعًا مكنتش مصدق إني واقف معاه من كتر ما بحبه.. وقاللي افتكر كلامي كويس يا تامر أنا بحبك وهتنجح وهتوصل لأحلامك”.

وأِشار تامر حسني، بكلامه إلى المناسبة التي جمعت بينه وبين عادل إمام في الصورة بعد سنوات من اللقاء الأوّل حيث إقترب حينها منه الزعيم وإستذكر معه الكلام الذي قاله له في البدايات فكتب: “الصورة دي وأنا في نص مشواري وكانت في فرح بغني فيه وكان فيه فنانين كتير محدش فيهم قام يسلم أو يفرح معانا إلا هو الوحيد اللي قام وجالي وفضل يهزر معايا وأهزر معاه وبصراحه فرحت عشان عرفت أضحكه بالشكل ده ومال عليا كده وقاللي فاكر كلامي وحضني زي ابنه حسيت بس اني عايز أقولكم اني بحبه جدًا”.

تامر مع عادل امام

Share To:

Post A Comment: