قال أحمد عادل عبدالمنعم، حارس الأهلي السابق والمنتقل حديثًا إلى صفوف مصر المقاصة، إنه وزملائه في الأهلي


قال أحمد عادل عبدالمنعم، حارس الأهلي السابق والمنتقل حديثًا إلى صفوف مصر المقاصة، إنه وزملائه في الأهلي لم يقصدوا الإساءة للزمالك، في الفيديو المسرب لهم عقب مباراة القمة الماضية في الدوري.
وأضاف «عبدالمنعم»، خلال تواجده ضيفًا ببرنامج «الحريف»، على قناة «دي إم سي»: «الزمالك نادي كبير، وعمرنا ما قصدنا ننتقد حد أو نقطع في حد، لو كنا بنلعب من الإسماعيلي أو الاتحاد أو أي حد هانخلص الماتش ونتكلم في الكرة، لأن دي شغلتنا».
وتابع: «إكرامي لما بيغلط بنتقده، الفكرة كلها إحنا ماكناش نقصد أي حد، أحمد الشناوي صديقي وماينفعش حد يقطع فيه، ده حارس منتخب مصر والزمالك، وأي حد ممكن يحصل له كبوة أو يغلط في مباراة، وممكن لاعبي الزمالك يتكلموا على الأهلي وعلى اللاعيبة ويقولوا أحمد عادل غلط في الكرة وليد أزارو عمل كذا».
وتابع: «مش هايفرق معايا كلام الجمهور أوي، جمهور الزمالك فوق دماغي، لكن اللي هايفرق معايا صديقي، وأنا كلمت الشناوي، وفعلا هو أخويا وصاحبي ومكانش في أي نية لإساءة له، وبوجه وبقوله على الهواء أنا بحبك جدًا وبحترم نادي الزمالك جدًا، هو سوء تفاهم والشناوي حبيبي وصديقي والزمالك نادي كبير».
Share To:

Post A Comment: